Ministria e Jashtme njofton se nga sot për vizitë pune në RMV qëndron Grupi I Punës I Këshillit të BE-së për zgjerim dhe për vendet që negciojnë për aderim në BE – (COELA).
COELA, sic njofton KlanM, është trup i përbërë nga diplomatë nga të gjithë vendet anëtare të BE-së, i ngarkuar për procesin e zgjerimit dhe raportet me vendet candidate që negociojnë për aderim në BE. Me COELA kryeson Presidenca e Këshillit të BE-së, kurse në pjesën e dytë të vitit me këtë trup kryeson diplomati i Misionit të Përhershëm të Republikës Çeke në BE.
Gjatë vizitës dyditore, grupi i punës do të mbajë takime me institucionet dhe përfaqësues të shoqërisë civile.
Vizita realizohet në prag të nisjes së procesit të skriningut dhe paraqet vizitën e parë pas vendimit të Këshillit të BE-së që dosjet e RMV-së dhe Shqipërisë të kalojnë në grupin e punës kompetent për vendet që janë në procesin negociues me BE-në.
Grupi I punës do të realizojë takime me Kryeministrin Dimitar Kovaçevski, Zv/Kryeministrin dhe Kryenegociatorin Bojan Mariçiq, Ministrin e Jashtëm Bujar Osmani, Kryeparlamentarin Talat Xhaferi si dhe me përfaqësues të Ministrive dhe institucioneve tjera të kyçur në të ashtuquajturën “Klaster 1” të negociatave për aderim në BE.
