Qendra e Menaxhimit të Krizave në Maqedoninë e Veriut ka njoftuar se ka arritur të kontrollojë dhe shuajë gjashtë zjarre që kanë përfshirë zona të ndryshme të vendit brenda 24 orëve të fundit. Zjarret, të cilat kanë përfshirë kryesisht bimësi të ulët dhe deponi të egër, janë lokalizuar në komunën e Gjorçe Petrovit, fshatin Miladinovci në komunën e Ilindenit, rajonin e varrezave të reja në Prilep, si dhe në vendbanimin Glishiq në Kavadar.
Në Gjevgjeli, zjarret kanë përfshirë një deponi të egër pranë zonës industriale “Block Techno” dhe një pyll të degraduar në rajonin “Mrznenski Rid”. Ekipet e zjarrfikësve kanë vepruar me efikasitet për të parandaluar përhapjen e mëtejshme të flakëve dhe për të mbrojtur jetën dhe pronën e qytetarëve.
QKK falënderon përpjekjet e zjarrfikësve dhe bashkëpunimin e komunitetit lokal, dhe rikujton rëndësinë e vigjilencës dhe masave parandaluese për të shmangur rrezikun e zjarreve në të ardhmen. Ndërkohë, autoritetet vazhdojnë të monitorojnë situatën dhe janë në gatishmëri për të reaguar ndaj çdo incidenti të ri.
