Prokurori që hetoi dhe akuzoi Donald J. Trump, Jack Smith planifikon të japë dorëheqjen përpara se të shkarkohet kur presidenti i ShBA-së të marrë detyrën në muajin janar të vitit të ardhshëm, raporton New York Times, përcjell Gazeta Online Reporteri.net.
Smith po përgatitet që të përfundojë punën e tij bashkë me anëtarët tjerë të ekipit para se Trump të marrë detyrën e re.
Presidenti i sapozgjedhur Trump është zotuar se do të shkarkojë Jack Smith, i cili ngriti dy çështje penale federale kundër tij.
Rasti i parë përfshin keqpërdorimin e supozuar të dokumenteve të klasifikuara pasi Trump u largua nga Shtëpia e Bardhë, akuza që ai i mohon.
E dyta ka të bëjë me përpjekjet e tij për të përmbysur humbjen e tij në zgjedhjet e vitit 2020 ndaj Joe Biden. Smith ngriti padi penale kundër Trump vitin e kaluar, por çështja ka mbetur në harresë pas një vendimi të Gjykatës së Lartë për imunitetin presidencial. Trump është deklaruar i pafajshëm.
/Reporteri.net/
