Transportuesit privatë do t’i rikthehen punës në transportin publik të Qytetit të Shkupit. Kështu njoftuan sot nga NQP – Shkup, pas nënshkrimit të marrëveshjes mes drejtorit të ri të ndërmarrjes, Kërste Petkovski dhe transportuesëve privatë, përcjell KlanM.
Gjithsej 105 autobusë modernë privatë që i plotësojnë standardet mjedisore, sipas thirrjes publike, do të qarkullojnë në rrugët e Shkupit.
Ata do të shërbejnë në linjat: 23, 45, 61, 63, 73, 9, 11, 11A, 12, 47A, 55, 19, 20, 22, 52 dhe 54.
“Me mënyrën e re të punës dhe standardizimin në transportin publik, qytetarët do të kenë shërbim cilësor dhe në kohë, kurse buxhetet e Qytetit të Shkupit dhe NQP Shkup do të mbrohen nga keqpërdorimet dhe arbitrariteti që ka qenë praktikë në të kaluarën”, thuhet në njoftim e NQP-së./KlanMacedonia.
