Presidenti rus, Vladimir Putin ka mbërritur në Abu Dhabi, ku do të zhvillojë bisedime me homologun e tij, Presidentin e Emirateve të Bashkuara Arabe, Sheikh Mohamed bin Zayed Al Nahyan.
Më herët, ndihmësi i presidentit rus, Yuri Ushakov, tha se takimi fillestar do të përfshijë delegacionet përkatëse të presidentëve dhe do të pasohet nga bisedimet mes dy liderëve në një format kokë më kokë, shkruan Tass.
Pas përfundimit të vizitës në Abu Dhabi, Putin do të udhëtojë në Riad të Arabisë Saudite në të njëjtën ditë. Atje, ai ka planifikuar bisedime me kryeministrin saudit dhe princin e kurorës, Mohammed bin Salman Al Saud.
Më parë, Putin vizitoi Emiratet e Bashkuara Arabe dhe Arabinë Saudite në tetor 2019.
