Edhe në Shtëpinë e Bardhe u mbajt ceremonia e ndezjes së pemës së Krishtlindjeve
Mijëra njerëz u mblodhën në sheshin e Manhattanit në Nju Jork për të parë ndezjen e Pemës së Krishtlindjeve, duke shënuar zyrtarisht nisjen e sezonit të festave.
Ceremonia dy-orëshe u transmetua drejtpërdrejt edhe në kanalet televizive për ti dhënë mundësi shikuesve në shtëpi për të parë ngjarjen.
Momenti kulminant i mbrëmjes ishte numërimi mbrapsht ku 50,000 drita LED shumëngjyrëshe dhe një yll sipër pemës u ndriçua nga miliona kristale.
Por ndezja e Pemës së Krishtlindjes u bë edhe në Uashington në Shtëpinë e Bardhë ku të pranishëm ishin presidenti Joe Biden së bashku me bashkëshorten e tij.
Gjatë fjalës së tij, Presidenti Biden ktheu vëmendjen tek ata të cilëve u mungon një i afërm apo familjar gjatë festave.
“Ne mbajmë në zemrat tona të gjithë atyre që u mungon një person i dashur sonte dhe gjatë këtij sezoni të Krishtlindjeve. Ne u jemi mirënjohës të gjithë atyre që i ngushëllojnë dhe u japin mbështetje. Kjo është Amerika. Një komb plot talent dhe aspirata, i guximshëm dhe i patrembur. Një komb që dhemb dhe shëron, por kurrë nuk dorëzohet”, ka thënë Biden.
Kjo është ceremoninë e 100-të e ndezjes së pemës së Krishtlindjes në Shtëpinë e Bardhë. Presidenti i 30 i SHBA-së Kellvin Kullixh priti ceremoninë e parë Kombëtare të Pemës së Krishtlindjes në vitin 1923.
Klan News
