Janë zhvilluara pesë takime të kampionatit amerikan të basketbollit NBA, ku ekipet vendase kanë dale fitues në katër ndeshje, ndërsa në transfertë fitore ka shënuar vetëm Boston.
Milwaukee ka shënuar fitore ndaj kampionëve actual ekipi Golden State Warriors me rezultat 128-111, duke u konsoliduar vendin e dytë në Konferencën e Lindjes. Më efikas në ndeshje ishte Antetokounmpo me 30 pikë e 12 kërcmime, mbështetur nga Portis që realizoi 25 pikë e 11 kërcime.
Boston rikthehet te fitorja, duke mundur pas kohës shtesë ekipin Lakers në transfertë me rezultatin 122-118. Më efikas ishte Tatum me 44 pikë, ndërsa te vendasit Davis realizoi 37 pikë e LeBron 33 . Skuadra e Phoenix, vazhdon të jetë kriz pasi ka pësuar humbjen e pestë radhazi, kësaj radhe humbi nga Houston me rezultatin 111-97 . Philadelphia mundi Sakramenton 123-103 S, ndërsa Uah Jazz mposhti Nju Orleansin 121-100.
Rezultatet e sotme
Philadelphia – Sacramento, 123-103
Milwaukee – Golden State, 128-111
Houston – Phoenix, 111-97
Utah Jazz – Nju Orleans, 121-100
Lakers – Boston, 118-122
Përgatiti: Shaban Sinani /KlanMacedonia/
