Fitojnë Warriors, Jazz e Phoenix
Dy fitore të skuadrave vendase dhe pesë të atyre mysafire është epilogu i shtatë ndeshjeve të xhiros së tretë të kampionatit amerikan të basketbollit NBA.
E veçanta e ndeshjeve të sotme është disfata e tretë me radhë e LA Lakers, që duket se shumë shpejt ka hyrë në krizë këtë sezon në NBA. Lakers pësoi disfatë nga Portland para tifozëve vendas me rezultatin 104 – 106. Në këtë ndeshje diferencën e bëri Damina Lillard, I cili realizoi 41 pikë. Për vendasit LeBron James realizoi 31 dhe e Davis 22 pikë .
Golden State Warriors, në një ndeshje spektakolare mundi Sacramenton me rezultat të ngushtë 130-125. Stephen Curry shënoi 33 pikë dhe ishte më efikasi në këtë ndeshje, ndërsa Wiggins realizoi 24 pikë. Fitore në transfertë ka shënuar edhe Charlotte, që mundi Atlantan me rezultat 126-109 Atlanta. Më efikas ishte Oubre me 24 pikë.
Jashtë fushe triumfon Phoenix, që mposhti Clippersin me rezultat 112-95. Booker me 35 pikë ishte lider për Phoenix . Pas kohës shtesë fiton Utah Jazz, që mundi Nju Orleansin 122-121. Markkanen me 31 pikë e 12 rebound ishte më efikas në këtë ndeshje .
NBA – Rezultate e sotme
Lakers – Portland, 104-106
Atlanta – Charlotte, 109-126
Cleveland – Washington, 117-107
Nju Orleans – Utah Jazz, 121-122
Oklahoma – Minnesota, 106-116
Golden State – Sacramento, 130-125
Clippers – Phoenix, 95-112
Gazetar Shaban Sinani /KlanMacedonia/
