Bullgaria gjithmonë ka kërkuar të forcojë dhe thellojë miqësinë dhe marrëdhëniet e mira fqinjësore me Maqedoninë e Veriut. Bullgaria ka bërë shumë përpjekje për realizimin e këtij qëllimi gjatë viteve të fundit, thuhet në kumtesën e Ministrisë së Punëve të Jashtme të Bullgarisë.
Siç njofton korrespondenti i MIA-s nga Sofja, në këtë drejtim, Ministria e Punëve të Jashtme e Bullgarisë thekson se janë absolutisht të papranueshme çdo deklaratë publike që fyen apo provokon palën tjetër. Ata, theksohet, nuk përfaqësojnë qëndrimin zyrtar të shtetit bullgar dhe tentativat për t’u paraqitur si të tillë janë të pasakta dhe shenjë të vullnetit të keq.
Pavarësisht provokimeve të shumta kundër Bullgarisë dhe veçanërisht ndaj bullgarëve në Maqedoninë e Veriut në muajt e fundit, Ministria e Punëve të Jashtme bullgare vlerëson se një fjalim i tillë është i papranueshëm dhe jashtëzakonisht kundërproduktiv.
Në përputhje me frymën e Marrëveshjes së Miqësisë, Fqinjësisë së Mirë dhe Bashkëpunimit të vitit 2017 ndërmjet Bullgarisë dhe Republikës së Maqedonisë së Veriut, ata u bëjnë thirrje politikanëve dhe figurave publike në të dy anët e kufirit që t’i drejtojnë përpjekjet dhe mesazhet e tyre për të mbështetur procesin e rimëkëmbjes të besimit dhe vendosjen e marrëdhënieve të mira fqinjësore.
