Ministri i Punëve të Jashtme i Serbisë, Marko Gjuriq, ka zhvilluar një takim me Përfaqësuesin e Lartë të Bashkimit Evropian për Punë të Jashtme dhe Siguri, Josep Borrell, në Austri. Gjuriqi theksoi se Serbia është plotësisht e përkushtuar për dialogun me Kosovën nën patronazhin e BE-së.
Megjithatë, ai shprehu shqetësimin e tij për sigurinë e komunitetit serb në Kosovë, duke kërkuar zbatimin e detyrimeve të marrëveshjeve të arritura deri më tani. Gjuriqi gjithashtu vuri në dukje situatën e vështirë në Kosovë, ku serbët po përballen me presion të padurueshëm nga veprimet e autoriteteve lokale. Në përfundim, ministri i jashtëm serb theksoi rëndësinë e paqes dhe stabilitetit rajonal për Serbinë.
