Pas Kosovës, ministri për Evropën dhe Punët e Jashtme, Igli Hasani, do të vazhdojë turin e tij rajonal në Maqedoninë e Veriut.
Fillimisht, ministri Hasani do të takohet me homologun e tij nga Maqedonia e Veriut, Bujar Osmani, me të cilin në orën 09:40 do të zhvillojnë një konferencë të përbashkët për mediat.
Sipas axhendës, ministri Hasani do të vijojë takimet zyrtare me Zëvendëskryeministrin për Çështjet Evropiane, Bojan Mariçiç si dhe me Zëvendëskryeministrin e parë, Artan Grubi dhe Kryetarin e Partisë BDI, Ali Ahmetin.
Më tej, ministri Hasani do të zhvillojë takim zyrtar me kryetarin e Kuvendit, Talat Xhaferin, si dhe me përfaqësues të partive politike në Maqedoninë e Veriut.
Turi 3-ditor rajonal i ministrit Igli Hasani do të përmbyllet ditën e nesërme pas takimeve që do ta zhvillojë në Malin e Zi.
Axhenda e ministrit Igli Hasani në Maqedoninë e Veriut
08:50 – Takim me Ministrin për Punët e Jashtme, z. Bujar Osmani
09:40 – Konferencë për mediat e ministrave Hasani dhe Osmani
10:10 – Takim me Zëvendëskryeministrin për Çështjet Evropiane, Bojan Mariçiç
14:30 – Takim me Zëvendëskryeministrin e parë, z. Artan Grubi dhe Kryetarin e Partisë BDI, z. Ali Ahmeti
15:10 – Takim me Kryetarin e Kuvendit, z. Talat Xhaferi
16:00 – Takim me Kryetarin e PDSH, z. Menduh Thaçi
16:45 – Takim me Kryetarin e Partisë Demokratike Evropiane, z. Arjanit Hoxha
17:25 – Takim me Kryetarin e Aleancës për Shqiptarët, z. Arben Taravari
/tvklan.al
