Dhjetëra mijëra njerëz kanë marshuar në qendër të Londrës në një protestë kundër antisemitizmit.
Organizatorët vlerësuan se 60,000 persona morën pjesë në marshimin e parë të këtij lloji që nga fillimi i luftës Izrael-Gaza, përfshirë ish-kryeministrin Boris Johnson, shkruan BBC, transmeton Klankosova.tv.
Tubimi vjen mes një rritjeje të madhe të krimeve të urrejtjes, veçanërisht kundër komunitetit hebre të kryeqytetit.
Themeluesi i Ligës së Mbrojtjes angleze, Tommy Robinson – të cilit organizatorët i kërkuan të mos merrte pjesë – u hoq nga policia.
Kishte pasur shqetësime se ai mund të prishte demonstratën. Policia më vonë tha se një 40-vjeçar ishte arrestuar afër vendit ku u nis marshimi.
Turma e madhe u mblodh jashtë Gjykatave Mbretërore të Drejtësisë dhe mori rrugën përgjatë Ëhitehall-it për në Sheshin e Parlamentit, ku u mbajt një tubim.
Fushata kundër Antisemitizmit vlerëson se marshimi i së dielës është grumbullimi më i madh i këtij lloji që nga Beteja e Cable Street në vitin 1936, kur mbështetësit e Unionit Britanik të Fashistëve u ndaluan të marshonin në lindje të Londrës, një zonë me një popullsi të lartë hebreje në atë kohë.
