LSDM: Nuk ka garanci më të mëdha se anëtarësimi në BE
Lideri i VMRO – DPMNE-së, Hristijan Mickoski thotë se, nuk ka garanci se ndryshimet kushtetuese do të jetë ndryshimi i fundit i Kushtetutës. Në një intervistë të dhënë për mediumin serb “Politika”, ai tha se, garancitë institucionale nga ana e BE-së janë një hap i vogël për to, por inkurajim i madh për vendin se, rruga evropiane nuk është një objektiv lëvizës, por diçka që është e realizueshme. Ai po ashtu, akuzoi diplomacinë e vendit që nuk ka luftuar për pozicione më të mira dhe garanci se, nuk do të ketë pengesa të reja për rrugën eurointegruese të vendit.
“Cila është garanca që ky ndryshim i kushtetutës i cili kërkohet tani nga Maqedonia, do të jetë i fundit? Se nesër nuk do të kërkohet ndryshim i Kushtetutës në të cilin do të ridefinohet çështje që janë të karakterit të identitetit apo nuk do të kërkohet minimizim i ri dhe fshirje e KAÇKM-së si themel i shtetformimit maqedonas? Nga Bullgaria vijnë disa sinjale të cilat tashmë mohojnë hapur Kryengritjen e Ilindenit dhe karakterin e saj dhe për këtë sërish nuk kishte asnjë reagim nga ana e Ministrisë së Punëve të Jashtme”, ka thënë Mickoski.
Ndërkohë, nëpërmjet reagimi me shkrim nga LSDM janë përgjigjur se, nuk ka garanci më të mëdha për cilësi më të mirë të jetës për të gjitha kategoritë e qytetarëve nga anëtarësimi në BE dhe akuzuan Mickoskin se bllokon përpjekjet e shtetit në sigurimin e ardhmërisë më të mirë për qytetarët.
“Anëtarësimi i plotë në BE do të thotë qasje e lirë drejt tregut prej 500 milionë konsumatorë, qasje drejt fondeve të reja të rritura dhe mundësi për hyrje të investimeve të reja, teknologjive dhe njohurive të reja. Pikërisht Mickoski bllokon gjithë këtë, së pasi sepse nuk shqetësohet për qytetarëve, ndërsa së dyti sepse është i përkushtuar në bllokada dhe destruksione dhe vepron në dëm të interesave shtetërore dhe nacionale”, thonë nga LSDM.
Kujtojmë se, ndryshimet kushtetuese, që janë kusht për hapjen e kapitujve të negociatave me BE-në, veç më janë në procedurë parlamentare. Seanca e parë për këto ndryshime u mbajt më 18 gusht, kur edhe përfundoi diskutimi dhe tani pritet që kryetari i Kuvendit të thirr vazhdimin e seancës për votimin e tyre. /KlanMacedonia
