Pak orë përpara koncertit të saj në Tiranë, Dua Lipa ka ndarë një video dhe disa foto me flamurin shqiptar.
E veshur me një fustan të zi dhe taka të kuqe, Dua ka uruar festën e Pavarësisë teksa pas saj ndodhet simboli kombëtar. “110 vite pavarësi. E lumtur të jem në Tiranë, Shqipëri si nënshtetësja më e re për të performuar për ju sonte shfaqjen e fundit të turit Future Nostalgia. Mezi po pres me ju pa”, ka shkruar artistja.
Koncerti i Dua Lipës do të mbahet sonte në Tiranë në sheshin “Skënderbej” në orën 19:00. Përveç yllit shqiptar me famë botërore, në skenë do të ngjitet edhe këngëtarja Elvana Gjata./tvklan.al
https://www.instagram.com/p/ClgfofZsjFr/?utm_source=ig_embed&ig_rid=123e7226-6c4c-425a-8dd9-86cd2eb917ac
