Ndryshimet e miratuara në Kushtetutë në vitin 2020 i hapën rrugeën atij për të sunduar deri në vitin 2036
Presidenti Vladimir Putin mbush 70 vjeç, mes urimeve nga vartësit dhe lutjes nga Patriarku Ortodoks Kirill, që të gjithë të luten për shëndetin e udhëheqësit më jetëgjatë të Rusisë që nga Josef Stalin.
Kreu i Kremlinit, i cili erdhi në pushtet në fund të vitit 1999 dhe aktualisht po përballet me sfidën më të madhe të sundimit të tij pasi pushtimi i Ukrainës shkaktoi konfrontimin më të rëndë me Perëndimin. Ushtria e tij atje po tërhiqet nga një seri humbjesh në muajin e kaluar.
Në ditëlindjen e tij, Putini do të marrë pjesë në një samit jozyrtar të Komonuelthit të Shteteve të Pavarura në Shën Petersburg, ish-kryeqyteti perandorak i themeluar nga Pjetri i Madh. Aleatët e ngushtë të presidentit rus e cilësojnë atë si shpëtimtarin e Rusisë moderne, ndërsa patriarku i Moskës i bëri thirrje vendit të mbante dy ditë lutje speciale në mënyrë që Zoti t’i japë Putinit “shëndet dhe jetëgjatësi”.
Kundërshtarët, si lideri i burgosur i opozitës, Alexei Navalny, thonë se Putini e ka çuar Rusinë në një rrugë pa krye, duke ndërtuar një sistem diktatorial që ka shtypur qindra njerëz i cili do të shembet. Mbështetësit thonë se Putin e shpëtoi Rusinë nga shkatërrimi Perëndimi arrogant dhe agresiv.
Më 21 Shtator, Putin urdhëroi mobilizimin e parë të Rusisë që nga Lufta e Dytë Botërore dhe mbështeti një plan për të aneksuar pjesë të Ukrainës dhe kufijtë e të cilave Kremlini ka thënë se ende nuk janë përcaktuar, duke paralajmëruar Perëndimin se nuk po bënte bllof kur tha se do të ishte gati të përdorte armë bërthamore për të mbrojtur Rusinë.
Putin e gjen veten përballë një NATO-je të ringjallur, të bashkuar dhe në zgjerim, pavarësisht këmbënguljes së tij se “operacioni special” në Ukrainë kishte për qëllim zbatimin e “vijave të kuqe” ruse dhe parandalimin e afrimit të aleancës me kufijtë e Rusisë. Shenjat e shqetësimit janë shfaqur nga Kina dhe India, tek të cilat Rusia po mbështetet gjithnjë e më shumë si partnerë gjeopolitikë dhe ekonomikë pas valëve të njëpasnjëshme të sanksioneve perëndimore. Ndryshimet e miratuara në Kushtetutë në vitin 2020 i hapën rrugën atij për të sunduar potencialisht deri në vitin 2036 dhe nuk ka asnjë kandidat të dukshëm për ta pasuar atë.
Klan News
