Mediat në Bullgari kanë publikuar dokumentin në të cilin shifet se ministrja aktuale në qeverin e Republikës së Maqedonisë së Verit Sanja Bozhinovska ka firmosur vetë se ka rrënjë dhe ndjehet si bullgare.
Agjensia bullgare BGNES ka publikuar një tekst në të cilin thotë se përcjell përmbajtjen e deklaratës së Sanja Bozhinovskës, ministres së re të Energjetikës të Maqedonisë së Veriut, në të cilën ajo ka kërkuar shtetësinë bullgare.
Sipas njoftimit të kësaj medie, Bozhinovska në vitin 2004 kur është pajisur me shtetësinë bullgare ka plotësuar Deklaratën me rëndësi të veçantë ku ajo nënshkruan se ka rrënjë bullgare: “Deklaroj se kam vetëdije kombëtare bullgare dhe origjinë bullgare”, shkruan në dokument.
Bozhinovska dy javë më parë theksoi se “asnjë shtetas i Maqedonisë, i cili ka marrë nënshtetësinë bullgare, nuk ndjehet si bullgar”. Ajo pretendoi se kishte dorëzuar dokumente për shtetësinë bullgare, si dhjetëra mijëra maqedonas të tjerë, vetëm për “arsye ekonomike”. Bozhinovska dikur e quajti procedurën “mashtrim me dokumentet e paraqitura nga shteti bullgar”.
Por, në deklaratën e aplikimit për shtetësi bullgare, Bozhinovska ka deklaruar se nëna dhe babai i saj janë bullgarë me origjinë, thuhet në tekstin e mediave bullgare ku mëtëj thuhet gjithashtu se nëse Bozhinovska ka dhënë informacion të rremë, atëherë sipas legjislacionit bullgar ajo do të përgjigjet penalisht. /tvklan.mk/
