Më shumë se 100 të evakuuar nga Gaza do të mbërrijnë sot në Turqi, tha ministri i shëndetësisë i vendit.
Gjithsej 61 pacientë, të shoqëruar nga 49 të afërm, mbërritën në Egjipt mbrëmë vonë dhe është planifikuar të fluturojnë për në Ankara mëngjesin e sotëm, tha Fahrettin Koca.
Më vete, një grup prej 87 personash, i përbërë nga turq, qipriotë turq dhe të afërm të tyre, do të fluturojë për në Stamboll nga Egjipti mëngjesin e sotëm, tha një burim i ministrisë së jashtme.
Javën e kaluar, zoti Koca tha se Turqia dëshironte të sillte në vend afro 1000 pacientë me kancer, e që kanë ngecur në enklavën palestineze, raporton Sky News, transmeton Klankosova.tv.
Shumica e spitaleve të Gazës janë detyruar të punojnë me pak ose aspak energji elektrike, duke pakësuar furnizimet mjekësore dhe mungesën e karburantit që kur Izraeli bllokoi dërgesat nga hyrja në rajon pas sulmit të Hamasit.
Tre agjenci të OKB-së kanë shprehur tmerrin për situatën me të cilën përballen spitalet, duke thënë se ata kishin regjistruar të paktën 137 sulme në objektet e kujdesit shëndetësor në 36 ditë që rezultuan në 521 të vdekur dhe 686 të plagosur.
