Në Rusi, më shumë se 100 banorë të qytetit kufitar rus të Belgorodit janë evakuuar në një zonë më larg nga Ukraina, thanë zyrtarët lokalë.
“Në emër të guvernatorit rajonal Vyacheslav Gladkov, ne takuam banorët e parë të Belgorodit që vendosën të zhvendosen në vendin më të sigurt. Më shumë se 100 njerëz u vendosën në qendrat tona të akomodimit të përkohshëm”, shkroi në Telegram Andrey Chesnokov, kreu i distriktit Stary Oskol, transmeton Klankosova.tv.
Belgorod është pak më shumë se gjysmë ore me makinë nga kufiri me Ukrainën, duke e bërë atë një ndalesë jetike në linjat ruse të furnizimit. Qyteti është nën bombardime të gjera dhe sulme me dronë prej muajsh.
Sulmet ukrainase në Belgorod më 30 dhjetor vranë 25 persona, thanë zyrtarët atje, me sulme me raketa dhe drone që vazhduan gjatë gjithë kësaj jave, raporton Associated Press.
