Tuneli hekurudhor më i gjatë në botë është mbyllur për shërbimet e pasagjerëve pas një daljeje nga shinat në Zvicër, që shkaktoi dëme që do të duhen muaj për t’u riparuar.
Autoritetet zvicerane thanë se nuk kishte “asnjë indikacion” se kur do të rihapet tuneli i bazës Gotthard.
Gjashtëmbëdhjetë vagona dolën nga shinat dhe janë ende të ngecur brenda, një javë pas daljes nga shinat më 10 gusht.
E hapur në vitin 2016, lidhja hekurudhore Gotthard mori 20 vjet për t’u ndërtuar dhe kushtoi më shumë se 12 miliardë dollarë.
Shefi ekzekutiv i operatorit hekurudhor kombëtar zviceran, SBB Vincent Ducrot, tha të mërkurën se Gotthard ishte një nga tunelet më të sigurt në botë.
“Fakti që një aksident si ky mund të ndodhë na ka goditur shumë rëndë”, tha ai. Fatmirësisht nuk ka të lënduar, por dëme të konsiderueshme materiale.
Një hetim është duke u udhëhequr nga Bordi Zviceran për Hetimin e Sigurisë së Transportit (STSB) dhe zyra e prokurorit publik të Kantonit Ticino.
