Organizata “World Central Kitchen” ka bërë të ditur se në Gaza kanë mbërritur afro 200 ton ndihma humanitare.
Sipas WCK-së, në Gaza kanë mbërritur afro 200 ton oriz, miell e proteina, ku bëhet e ditur se një tjetër anije po përgatitet që të mbërrij në Gaza nga Qipro.
Në lidhje me këtë ka reaguar përfaqësuesi i Lartë i BE-së për Politikë të Jashtme dhe Siguri, Josep Borrell, i cili e falënderoi organizatën për siç e quajti ai “këtë akt njerëzimi dhe një rreze shpresë në kohë të errëta”.
“Ndihma humanitare duhet të hyjë në Gaza shpejt dhe me të gjitha mjetet e mundshme, veçanërisht nga toka, për të parandaluar përhapjen e urisë”, shkroi Borrell, transmeton Klankosova.tv.
Shtetet e Bashkuara të Amerikës kanë hartuar një projekt-rezolutë e cila thotë se marrëveshja mes Izraelit dhe Hamasit duhet të çojë në armëpushim të qëndrueshëm.
Projekt-rezoluta, e siguruar nga CNN, vë në dukje “përpjekjet diplomatike të intensifikuara nga Egjipti dhe Katari, që synojnë lirimin e pengjeve, rritjen e ofrimit dhe shpërndarjes së ndihmës humanitare dhe zbutjen e vuajtjeve të civilëve në Gaza përmes një marrëveshjeje për lirimin e pengjeve dhe një armëpushim i menjëhershëm prej rreth gjashtë javësh”.
Update from Gaza🎥 WCK is offloading almost 200 tons of rice, flour, proteins & more that arrived by sea earlier today. At the same time this shipment is transported ashore, our second vessel is preparing to set sail from Cyprus with hundreds more tons of food. #ChefsForThePeople pic.twitter.com/cHacgMJQ6c
— World Central Kitchen (@WCKitchen) March 15, 2024
