Përfaqësuesja e Maqedonisë së Veriut në futboll me fitoren kundër Ishujve Faroe përmbylli Ligën më të suksesshme të Kombeve në histori.
Me 5 fitore dhe 1 barazim, me 10 gola të shënuar dhe 1 të pranuar, të përzgjedhurit e seleksionuesit Blagoja Milevski përmbyllën vitin 2024.
Momenti vendimtar I ndeshjes ndodhi në minutën e 62-të kur pas një gabimi të mysafirëve, Bojan Miovski shënoi golin e fitores.
Fazën e grupeve në Ligën e Kombeve, Maqedonia e Veriut e përmbylli me 16 pikë. Në vendin e dytë është Armenia me 7, Ishujt Faroe me 6 dhe Letonia me 4 pikë.
Ishte kjo fitorja e pestë me radhë, pa gol të pranuar, e futbollistëve të Maqedonisë së Veriut, kurse portieri Stole Dimitrievski vazhdon të shënojë rekorde me mbi 530 minuta pa gola të pranuar.
Maqedonia e Veriut siguroi plasmanin në Divizionin B të Ligës së Kombeve, kurse me këtë fitore, konfirmoi dominimin në këtë grup dhe ka gjasa serioze për plasman në balotazhin për Kampionatin Botëror 2026, që do të saktësohet pas përfundimit të kualifikimeve. /tvklan.mk/
