Ministri i Mbrojtjes, Ejup Maqedonci, ka ndarë detaje lidhur me aktivitetet trajnuese të Forcës së Sigurisë së Kosovës (FSK) për të garantuar sovranitetin dhe integritetin territorial të vendit. Në një postim në rrjetin social Facebook, ai theksoi rëndësinë e edukimit, trajnimit dhe furnizimit me sisteme armatimi si elementë kyç për zhvillimin e aftësive luftarake.
Në kuadër të Ushtrimit Fushor “Steel Wolf”, dy kompani të Regjimentit të Dytë të Forcave Tokësore janë validuar. Validimi i kapaciteteve të këmbësorisë është një hap kritik drejt përfundimit të fazës së dytë të tranzicionit.
Për të familjarizuar dhe trajnuar personelin me sistemet e inventarit të FSK-së, njësitë e FSK-së, me ndihmën e instruktorëve të ushtrisë turke, kanë zhvilluar trajnime për sistemin individual anti-tank HAR 66.
Gjithashtu, në Komandën e Doktrinës dhe Stërvitjes, janë përfunduar tri kurse të planifikuara:
1. Kursi i Avancuar për Lider: Kursantët u trajnuan në zhvillimin dhe ngritjen e lidershipit.
2. Kursi Bazë për Nënoficer të Këmbësorisë: Përgatiti dhe klasifikon profesionalisht pjesëtarët në fusha të specializuara ushtarake.
3. Kursi Bazë për Snajper: Trajnimi për snajperët që synojnë të jenë të aftë në detyrat e tyre specifike.
Ky angazhim tregon se ushtria e Kosovës po ndërtohet si një forcë kompatibile me NATO-n, e gatshme për të kryer detyrat e saj në kuadër të misionit të saj për sigurinë dhe mbrojtjen e vendit.
