Sulmuesi, në momentin më të mirë me klubin
Sulmuesi i Manchester United, Marcus Rashford, ka qenë një nga lojtarët më të spikatur të klubit këtë sezon bërë që të harrohet madhështia e Cristiano Ronaldo.
25-vjeçari është golashënuesi më i mirë i United në të gjitha garat, duke shënuar 24 herë. Rritja e tij në formë ka qenë e jashtëzakonshme, veçanërisht pas sezonit të tmerrshëm 2020-21.
Shumë tifozë të United dyshuan nëse ai mund të rifitonte formën e tij apo nëse ai kishte arritur tashmë kulmin si futbollist. Por nën drejtimin e Erik ten Hag, Rashford, është një lojtar ndryshe.
Anglezi duket më i mprehtë se kurrë dhe i uritur për gola. Kompania e statistikave në futboll OPTA, pasi ka analizuar lojën e tij rendit disa faktorë që shpjegojnë suksesin e lojtarit.
Rekordi i tij i dëmtimeve është përmirësuar shumë që nga sezoni i kaluar. Ai ka luajtur 1958 minuta në Premier League, 726 minuta më shumë se në 2021-2022.
Ten Hag e vendos atë kryesisht në krahun e majtë, por Rashford po zë hapësira edhe jashtë pozicionit të tij. Një arsye kryesore që mundëson shënimin e golave është marrëdhënia e tij me Luke Shaë në krah.
Rashford është aktualisht kërcënimi kryesor i United dhe do të jetë një nga lojtarët më kritikë nga tani deri në fund të sezonit. Ten Hag do të shpresojë që lojtarët e tjerë të tij të shënojnë gola për të parandaluar që barra të bjerë vetëm mbi 25-vjeçarin.
Tv Klan
