Mesfushori kroat Luka Modric është një nga më të mirët e të gjitha kohërave dhe një nga ndër lojtarët më të veçantë të Real Madrid. Pavarësisht moshës së tij, 38 vjeç, ai është shumë pranë rinovimit me klubin spanjoll.
Modric ka treguar formë të shkëlqyer këtë vit, edhe pse nuk ka qenë vazhdimisht titullar. Presidenti i Real Madrid, Florentino Perez, i ka ofruar një kontratë 1-vjeçare me pagë 5 milionë euro në sezon, ndërsa Modric aktualisht fiton 10 milionë euro. Ky rinovim do ta bënte atë të hyjë në histori si një nga legjendat më të mëdha të klubit, pasi ky do të ishte sezoni i 13-të i tij në “Santiago Bernabeu”, ku mbërriti në 2012 .
