REAGON LSDM PËR ADMINISTRATËN PUBLIKE
Deklaratat e Mickoskit për “administratë të depolitizuar dhe profesionale” nuk janë gjë tjetër veçse fjalë boshe që janë krejtësisht në kundërshtim me realitetin e krijuar nga qeveria e tij.
Kjo është një tjetër përpjekje absurde për të paraqitur një realitet të rremë, ndërkohë që qytetarët janë dëshmitarë të një partishmërie dhe abuzimi të paprecedentë të administratës publike, kanë reaguar nga LSDM.
Sot administrata është shndërruar në shoqëri aksionare për punësimin e kuadrove partiake. Mickoski, në vend të kuadrove kompetente dhe profesionale, për gjashtë muaj i degradoi profesionistët dhe emëroi njerëz pa kompetenca dhe njohuri dhe si kualifikim kanë vetëm anëtarësinë e partisë VMRO-DPMNE.
Mickoski duhet të ndalë manipulimet dhe partizanizmin. Administrata publike duhet të jetë shërbim për qytetarët, jo mjet për interesat partiake.
Në vend të fjalëve boshe në konferenca, duhen veprime konkrete: departamentizim i menjëhershëm, sanksione për zyrtarët e korruptuar dhe vendosja e kritereve të qarta dhe transparente për punësim dhe avancim në administratë, thonë nga LSDM.
