LSDM ka ngritur akuza të forta ndaj ministrit të Transformimit Digjital, Stefan Andonovski, pas shpalljes së një skandali lidhur me tenderin që fitoi bashkëshorti i sekretares shtetërore.
Sipas LSDM-së, Prokuroria Publike duhet të ndërmarrë veprime për të hetuar këtë rast dhe të sigurojë drejtësi për qytetarët.
METODIJA ILIEVSKI – LSDM
Qytetarët ende presin që Prokuroria Publike të veprojë për rastin në mënyrë që të marrë një zgjidhje. Derisa i gjithë opinioni ishte në pikëllim dhe dhimbje për aksidentin në Koçan, ku humbën jetën 59 të rinj dhe u plagosën gati 200, vetëm tri ditë pas ngjarjes tragjike, Andonovski kërkoi falje nga LSDM. Është tronditëse fakti që kërkesa për falje ka mbërritur më 19 mars, pikërisht në ditën e varrimit të të vrarëve në aksident, kur i gjithë populli ishte në tronditje. Kjo tregon shkallën e shqetësimit të ministrit për ngjarjen tragjike.
Në një tjetër skandal, LSDM pohon se një tender prej 600 mijë denarë për blerjen e sistemit të kontrollit të shënave është dhënë për kompaninë “BOKI SIMPLE TECH SOLUTIONS”, pronarët e së cilës janë prindërit e Borçe Mlladenovskit, i cili punon në sektorin e TI-së në Ministrinë e Transformimit Digjital.
Bëhet fjalë për tender prej 600.000 denarë për blerjen e sistemit të kontrollit të të shënave, të cilin e ka marrë kompania “BOKI SIMPLE TECH SOLUTIONS” Sh.PK. Sipas informacioneve që kemi marrë nga sinjalizuesit, pronarë të kësaj kompanie janë prindërit e Borçe Mlladenovskit, i cili përndryshe është i punësuar në sektorin e TI-së të së njëjtës ministri. I bëjmë thirrje Andonovskit që të dalë dhe të përgjigjet nëse kjo është e vërtetë. A ka përfunduar Tenderi prej 600 mijë denarë te prindërit e një punonjësi të ministrisë?
LSDM ka kërkuar transparencë dhe përgjegjësi nga Andonovski, duke e akuzuar për shpërdorim të parasë publike dhe përfshirje në praktika për npotizëm. Sipas tyre, ky është një tjetër shembull i drejtësisë selektive dhe kërkohet që të marrë fund përdorimi i pushtetit për përfitime personale.
