Në orën 03.00 pas mesnate nis llogaritja dimërore e kohës, ku akrepat e orës kthehen një orë prapa.
Llogaritja dimërore e kohës fillon fundjavën e fundit të tetorit dhe zgjat deri në fundjavën e fundit të marsit të vitit të ardhshëm, kur sërish hyn në fuqi llogaritja verore e kohës.
Përveç vendit tonë, llogaritja dimërore e kohës zbatohet nga shumë vende evropiane, përveç Islandës, Rusisë dhe Bjellorusisë.
Parlamenti Evropian më 04 Mars 2019 votoi shfuqizimin e zhvendosjes sezonale të kohës nga viti 2021, por, Këshilli i BE-së nuk miratoi vendimin përfundimtar.
Ndryshimi sezonal I kohës, përvec se në Evropë, zbatohet edhe në shumë vende të Amerikës Veriore dhe Qendrore, si dhe në shumë vende tjera të botës. Koha nuk ndryshon në Japoni, Kinë, Korenë e Jugut, e as në vendet e kontinentit afrikan.
