Me ligjin e ri, propozues i të cilit është Ministria e Drejtësisë, Zyra për kthimin e pronës (ARO), do të ketë kompetencë për marrjen e informacioneve dhe të dhënave për gjetjen dhe identifikimin e të ardhurave dhe pronës tjetër ose përfitimit pronësor në vend ose jashtë vendit lidhur me shtetasin vendas ose rezidentin në Republikën e Maqedonisë së Veriut, personin pa shtetësi ose të huaj, si dhe për nevojat e procedurës për konfiskim pa përcaktimin e përgjegjësisë penale të rregulluar në përputhje me ligjin, që kanë rrjedhë ose janë të lidhura me vepra penale të përfshira me nenin 6 të këtij ligji, thuhet në njoftimin e Ministrisë së Drejtësisë.
Nga atje njoftojnë se Ligji do të hyjë në procedurë parlamentare.“Me miratimin e tij dhe funksionimin e Zyrës së Rimëkëmbjes së Pronave në përputhje me standardet ndërkombëtare, do të ndërmerren aktivitete të rëndësishme për marrjen e informacionit dhe të dhënave për gjetjen dhe identifikimin e të ardhurave dhe përfitimeve të tjera pronësore brenda ose jashtë vendit.
Ligji rregullon ngritjen, kompetencat, strukturën organizative dhe financimin e Zyrës për kthimin e pronës, bashkëpunimin me autoritetet dhe institucionet vendase, bashkëpunimin me vendet e huaja dhe bazën e të dhënave të integruar elektronike”, njoftoi Ministria e Drejtësisë.
