Dy fitore të skuadrave vendase dhe katër barazime me vetëm 7 gola të shënuar është epilogu i ndeshjeve të fundit në rrethin e dytë të kampionatit në Ligën e Parë të futbollit vendor, ku kryeson Struga Trim Lum me 45 pikë, para Shkupi me 44 dhe Shkëndijës me 43 pikë.
Kampioni në fuqi Struga Trim Lum mundi Makedonija Gj.P 2-1 me golat e Bunjamin Shabanit dhe Radeskit, ndërsa golin e nderit për mysafirët e shënoi Aliji. Në Shtip, Bregallnica – Shkupi dhe në Turnovë, AP Brera – Shkëndija ndeshjet përfunduan me barazim pa gola 0-0. Në stadiumin “Biljanini Izvori”, Voska Sport barazoi me Gostivarin 1-1, autor të golave ishin Jusufi për vendasit ndërsa Elmas për mysafirët. Fitore të rëndësishme shënuan Vardari kundër Rabotniçkit 1-0 me golin e Glishiqit dhe Tikveshi kundër Sileksit gjithashtu 1-0 me golin e Robertinho.
AP Brera –Shkëndija 0-0
Struga Trim Lum – Makedonija Gj.P 2-1
Voska Sport – Gostivari 1-1
Bregallnica – Shkupi 0-0
Vardari – Rabotniçki 1-0
Tikveshi – Sileksi 1-0
Tabela pas përfundimit të rrethit të dytë:1. Struga TL 45 pikë 2.FC Shkupi 44, 3.Shkëndija 43, 4. Gostivari 30, 5.Tikveshi 29, 6. Sileksi 29, 7.AP Brera 27, 8.Rabotniçki 27, 9.Voska Sport 25, 10.Vardari 24, 11.Bregallnica 21, 12. Makedonija Gj.P 18 pikë./tvklan.mk
