Fitojnë Shkupi, Shkëndija dhe Sileksi
Lideri në renditjen e tabelës Struga Trim & Lum shënoi fitoren e 11 sezonale, kësaj radhe me golin e vetëm të Darko Ilievskit në minutën e 69’të, mundi Akademia Pandevin 1-0. Me këtë fitore skuadra strugane zyrtarisht është Kampion i Vjeshtës për sezonin 2022/23.
Me dy golat e Ljupço Dorievit dhe një të kapitenit Ferhan Hasanit, ekipi kuqezi nga Tetova, Shkëndija shënoi fitore të sigurtë në transfertë kundër Makedonija Gj.P me rezultatin 3-1, duke vazhduar rrugëtimin e sukseseve jashtë Tetovës. Në stadiumin e Gjorçe Petrovit gjatë 90 minutave dominoi me lojë dhe efikasitet, ndërsa vendasit gjityhëat që mund të bënin ishte goli i Skenderit që e zbutri rezultatin.
Fitore të sigurtë me përmbysje shënoi edhe kampioni në fuqi, FC Shkupi që para tifozëve vendas mundi Bregallnicën 3-1. Autor të golave ishin Alvarez, Trapanovski dhe Georgiev, ndërsa golin për Bregallnicën e shënoi Herera.
Fitore në cilësin e mysafirit ka shënuar edhe Sileksi kundër Tikveshit në Kavadar me golat që i shënuan Obadoviq dhe Ristovski
Ndeshja e vetme që përfundoi pa gola është takimi në Prilep mes Pobedës dhe Skopjes.
Pas javës së 17-të tabelën e kryeson Struga Trim Lum me 36 pikë, e ndjekur nga Shkupi me 31 dhe Shkëndija me 28 pikë.
Makedonija Gj.P – Shkëndija 1-3
Struga Trim Lum – Akademija Pandev 1-0
Shkupi – Bregallnica 3-1
Pobeda – Skopje 0-0
Tikveshi – Sileksi 0-2
Përgatiti: Shaban Sinani
