STRUGA TL –TIKVESHI, SHKËNDIJA-SILEKSI DHE SHKUPI-BREGALLNICA
Java e 29-të e kampionatit në Ligën e parë do të zhvillohet të mërkurën me fillim në ora 16:00. Kjo javë karakterizohet me tre ndeshje mjaftë interesante që mund të jenë edhe vendimtare për rrjedhën e fazës së fundit të kampionatit si Struga Trim Lum – Tikveshi, Shkëndija – Sileksi dhe Shkupi – Bregallnica
Lideri në renditjen e tabelës Struga Trim Lum, për arritjen e suksesit historik përfundimisht fatin e ka në duart e veta. Nw ndeshjen e sw mwrkurws kundwr Tikveshit, opsioni I vetwm janw tre pikwt.
“Siç e dim kampionati është duke shkuar nga fundi, kanë mbetur edhe pesë ndeshje për tu zhvilluar. Për neve çdo ndeshje është e rëndësishme për të arritur qëllimin dmth titullin kampion. Ditën e mërkur në Strugë vjenë një kundërshtarë shumë serioz siç është ekipi i Tikveshit. Neve kemi punuar maksimalisht, jemi përgatitur dhe për ne opcion i vetëm është vetëm fitorja. Besoj se me angazhim maksimal do ti kryejmë detyrat, do t’ia arrijm qëllimit dhe tri pikët të ngelin në Strugë” – tha Ard Kasami, futbollist i KF Struga Trim Lum.
Fazën e pesë ndeshjeve të fundit sezonale Shkëndija e nis të mërkurën kundër Sileksit, një skuadër tradicionalisht e papërshtashme për “kuqezinjtw”. Por duke ditur peshën e këtij takimi, “tetovarwt” nuk kanë alternative tjetër pos të vazhdojnë me suksesin e radhës
“Mendoj se edhe me Sileksin do të jetë një ndeshje shumë e vështirë për neve, mirëpi besoj shumë te skuadra ekipi që e kemi. Dhe mendoj se me një angazhim maksimal të të gjithëve do ta fitojmë këtë ndeshje pa problem. Për neve gjithmonë publiku “Ballistët” kanë qenë tifozi ynë i dymbdhjetë në këtë ekip. Dhe I ftoj që të vine sa më shumë në numër që të na përkrahin në këtë ndeshje se pë ne këto pesë ndeshje janë finale dhe shpresoj që në fund të arrijmë objektivin që e kemi” – tha Adenis Shala, futbollist i KF Shkëndija.
Shkupi para publikut vendas është nikoqire e Bregallnicës së Shtipit dhe me fitore mund të mbajë shpresat për të mbrojtur titullin. Në dy takimet tjera të xhiros së 29-të, Akademija Pandev është nikoqire e Pobedës, ndërsa Makedonija Gj.P takohet me Skopjen. /KlanMacedonia/
Përgatiti: Shaban Sinani
