Me ndeshjet e javës së 12-të të sezonit vjeshtor që do të zhvillohen të shtunën dhe të të dielën, fillon rrethi i dytë i kampionatit në Ligën e parë të futbollit vendor.
Sipari i javës së 12-të hapet me ndeshjen që do të zhvillohet në Kratovë, mes Sileksit dhe Bregallnicës. Ndeshja në fjalë ka rëndësi të madhe për të dyja ekipet. Vendasit pretendojnë të mbajnë hapin në katërshin e parë të tabelës, ndërsa mysafirët të fitojnë pikët për të qenë më të sigurtë pë mbijetesën. Aktualisht Sileksi mbanë pozitën e katërt në renditjen e tabelës me 19 pikë, ndërsa Bregallnica është në pozitën e tetë me 13 pikë. Takimi Sileksi – Bregallnica, zhvillohet të shtunën me fillim në ora 13:00.
Pesë takimet tjera të javës së 12-të zhvillohen të dielën gjithashtu me fillim në ora 13.00.
Java e 12-të, me fillim në orën 13:00, takohen:
E shtunë, më 28 tetor
Sileks – Bregalnica
E diel, më 29 tetor
Gostivari – Struga Trim Lum
Makedonija Gj.P – Tikveshi
Shkëndija – Voska Sport
Shkupi – Rabotniçki
Vardar – AP Brera
Tabela: 1.Shkëndija 24 pikë, 2.FC Shkupi 22 pikë, 3. Struga Trim Lum 21 pikë, 4. Sileksi 19 pikë, 5.AP Brera 15 pikë, 6.Tikveshi 14 pikë, 7.Rabotniçki 13 pikë, 8.Bregallnica 13 pikë, 9.Makedonija Gj.P 11 pikë, 10. Voska Sport 11 Pikë, 11. Gostivari 11 pikë, 12. Vardari 8 pikë.
