Dy fitore të ekipeve vendase, dy barazime dhe një fitore e ekipit mysafirë me gjithësej 8 gola të shënuar dhe një karton të kuq është epilogu i pesë ndeshjeve të xhiros së gjashtë të sezonit vjeshtor të kampionatit në Ligën e parë të futbollit vendor. Ndeshja Struga Trim Lum – Tikveshi luhet të hënën.
Derbi në Tetovë ndërmjet Shkëndijës dhe Shkupit serish përfundoi pa fitues me rezultatin e barabartë 0-0, Ishte kjo një reprize e tre katër sezoneve të fundit ku ndeshjet mes këtyre dy ekipeve në stadiumin e qytetit në Tetovë përfundojnë me barazime. Kështu ishte edhe kësaj radhe thënë drejt dy ekipet patën nga dy-tri raste por pa konkretizime. Këtë ndeshje derbi e ndoqën afro 5000 shikues.
Voslka Sport me dy gola të Marushiqit shënoi fitoren e dytë sezonale para tifozëve vendas kundër Bregallnicës në Ohri.
Gostivari edhe njëherë zhgënjeu para tifozëve vendas , kësaj radhe pësoi nga Sileksi 1-2. Autor të golave ishin Timovski për Gostivarin , ndërsa Goba autogol dhe Ristovski për Sileksin
Vardari sot ka shijuar fitoren e pare sezonale pas kthimit në Lig♪7n e pare. Në stadiumin “Boris Trajkovski” në Maxhari mundi Makedonija gjP 2-1 me golat që i shënuan Micevski dhe Omeragiq pë vendasit, ndërsa golin e nderit për mysafirët e shënoi Veliçkovski.
Në Strumicë AP Brera barazoi pa gola me ekipin e Rabotniçkit.
Ndeshja e fundit e javës së gjashtë mes Struga Trim Lum – Tikveshi zhvillohet të hënën në ora 16:00
Rezultatet:
Shkëndija – Shkupi 0-0
Gostivari – Sileksi 1-2
Voska Sport – Bregallnica 2-0
Vardari – Makedonija Gj.P 2-1
AP Brera – Rabotniçki 0-0
Ndeshja Struga Trim Lum – Tikveshi. luhet të hënën
TABELA: 1. Shkëndija 13 pikë (-1 ndeshje), 2. AP Brera 13, 3.Sileksi 9, 4.Bregallnica 9, 5.Shkupi 9, 6.Voska Sport 7 (-1ndeshje), 7. Tikveshi 7 (-1 ndeshje), 8.Rabotniçki 7, 9. Makedonija Gj.P 5, 10. Vardari 4 (-1 ndeshje), 11. Struga Trim Lum 3 (-4 ndeshje), 12.Gostivaru 3 pikë.
Java e shtatë e kampionatit do të zhvillohet pas dy javëve shkaku i obligimeve të reprezentacionit të Maqedonisë së Veriut për ndeshjet kualifikuese me Italinë dhe Maltën. /KlanMacedonia/
