Voska Sport sot shënoi fitoren më të vështirë në këtë kampionat, por me vlerën më të madhe dhe tanimë është një hapë pranë suksesit historik kualifikimin në Ligën e parë të futbollit. Në stadiumin “Biljanini Izvori” në Ohër, në lojë dramatike Voska sport me golat e Alen Jahsarovskit dhe Ermedin Adem në minutat shtesë të ndeshjes mundën Vardarin me rezultatin 2-1. Golin e vetëm për Vardarin e shënoi Papulin në 41-të. Ndë theksuar se shkupjanët pjesën më të madhe të ndeshjes e luajtën me një futbollist më pak pasi Mishkovski u ndëshkua me të kuq që në pjesën e parë. Voska Sport tani ka katër pike më tepër se Gostivari dhe gjashtë pike më tepër se Vardari në pozitën e tretë.
Gostivari më fitoren e thellë kundër Kozhufit 5-1 tani ngjitet në pozitën e dytë në renditjen tabelore me gjasa shumë reale që së bashku më Voska Sport të kualifikohen në Ligën e Parë. Pelisteri pas disfatës së sotme kundër Bellasicës në Strumicë përfundimisht ka humbur të gjitha gjasat që së paku të luan në balotazh. Në derbin e Pollogut, në stadiumin e Vrapçishtit , Besa e Dobërdollit mundi Arsimin e Çegranit 1-0.
Rezultate e kompletuara të jabës së 25-të: Belasica – Pelister 2-1, Besa – Arsimi 1-0, Kamenica Sasa – Ohri 2-1, Karaormani – Boreci 4-0, Gostivar – Kozhufi 5-1, Lokomotiva – Detonit Plaçkovica 1-4, Slloga Vinicë – Teteksi 1-1 dhe Voska Sport – Vardari 2-1.
Tabela: 1.Voska Sport 62 pikë, 2. Gostivari 58, 3.Vardari 56, 4.Pelisteri 50, 5.Detonit Pllaçkovica 44, 6.Besa 39, 7.Arsimi 36, 8.Bellasica 35, 9.Ohri 34, 10.Karaormani 34, 11.Kozhufi 30, 12.Llokomotiva 21, 13.Kamenica Sasa 21, 14.Slloga Vinicë 18, 15.Teteksi 15, 16.Boreci 2 pikë.
Java e 26-të zhvillohet të mërkurën me fillim në ora 16:00. Takohen: Arsimi – Gostivari, Boreci Llokomotiva Skup, Detonit Pllaçkovica – Kamenica Sasa, Kozhufi – Voska Sport, Ohri – Besa, Pelisteri – Karaormani, Teteksi – Bellasica dhe Vardari – Slloga Vinicë./KlanMacedonia/
Përgatiti: Shaban Sinani
