Në stadiumin e Vrapçishtit, Besa e Dobërdollit me lojë të sigurt mundi ekipin e Vardarit të Negotinës me rezultat bindës 4-1. Autor të golave ishin Izair Emini 2 ndërsa , Armend Alimi dhe Xhemail Esati nga 1 gol.
Futbollisti më me përvojë në ekipin e besës Izair Emini që ishte shembull në ndeshjen e sotme duke realizuar dy gola pas ndeshjes për Klan Maqedoni , deklaroi “Luajtëm aq sa kishim nevojë për të shënuar fitore të sigurt, normal që jam i kënaqur për golat e shënuar por kjo është meritë e gjithë ekipit. Besa rrugëton sigurt në arritjen e qëllimit të vetë. Falënderojmë publikun që edhe sot ishte në krye të detyrës me përkrahjen dinjitoze ndërsa neve ua kthyem me lojë të mire dhe fitore të sigurt. Ne vazhdojmë rrugëtimin tonë”.
Në Manastir ndodhi befasi pasi dy ish ekipet e ligës së pare Pelisteri dhe Skopje luajtën me barazim pa gola..
Fitore të sigurt në stadiumin e Reçicës së Madhe, a shënuar Bashkimi i, kundër Kozhufit të Gjevgjelisë 2-0. Ohri mundi Arsimin 1-0, ndërsa në Tetovë, Teteksi dhe Karaormani i ndajtën pikët duke luajtur me barazim 1-1. Fitore të sigurt ka shënuar edhe Bellasica , kundër Novacit dhe Pobeda kundër Detonit Pllaçkovica. Dje në Koçani, Osogova dhe Kamenica Sasa barazuan 1-1. Tabelën pas tetë xhirove të zhvilluara e kryeson Besa me 21 pikë , para Pelisterit që ka 17 pikë.
Rezultatet e xhiros së 8-të
Osogovo – Kamenica Sasa 1-1
Bashkimi – Kozhufi 2-0
Belasica – Novaci 3-1
Besa 1976 – Vardari 4-1
Ohrid – Arsimi 1-0
Pelisteri – FK Skopje 0-0
Pobeda – Detonit Plaçkovica 2-0
Teteksi – Karaormani 1-1
