Lëvizja Populli e Skënder Rexhepit është parti politike e djathtë, e cila sipas programit politik, kultivon dhe ushqen vlerat e familjes dhe besimit në Zot. Sipas kreut të kësaj partie, këto vlera janë të lidhura tradicionalisht me popullin shqiptar.
“Jemi të djathtë sepse konsiderojmë se familja është e shenjtë dhe e lidhur me besimin në Zot. Këto dy elemente, në aspekt tradicional ne shqiptarët i kemi pasur, i kemi ushqyer dhe do të vazhdojmë t’i ushqejmë më tutje. Ta ushqejmë familjen sepse koncepti ‘familje’ është ajo që e mban një shoqëri të shëndoshë”, deklaroi Skënder Rexhepi në Klan Debat me Xhumadije Ibraimin./KlanMacedonia
