Pasi e bënë selfie-n e famshme në aeroplan nga Brukseli, Maqedonia është gjithnjë e më larg Bashkimit Evropian dhe na ka larguar edhe më shumë nga dyert e saj për shkak të politikave të këqija të LSDM-BDI-së, tha Lefkov sot në një konferencë për shtyp deputeti i VMRO-DPMNE Mile Lefkov.
-Koalicioni kriminal LSDM-BDI në vend që të premtonte fillimin e negociatave me BE-në, na distancoi prej tij. Qytetarët e kuptuan se pas pamfleteve fshiheshin manipulime për të vjedhur. Prandaj LSDM-ja u dënua në zgjedhjet e fundit, humbje kjo që sa vjen e bëhet edhe më e madhe, sidomos nëse shikohen anketat e fundit ku vazhdojnw të bien edhe më tej. Pasi bënë gjithçka për të na poshtëruar si popull, tani LSDM thotë se jemi izoluar për shkak të VMRO-DPMNE-së. Mbi 450 mijë qytetarë i besuan VMRO-DPMNE-së për udhëheqjen e Maqedonisë me politikat tona të qarta për menaxhimin e shtetit. Maqedonia do të ngritet sërish dhe pa pranuar diktat dhe shantazhe do të hapim negociatat për anëtarësim në BE”, tha Lefkov.
