Personi në foto është 50-vjeçari shqiptar që u vra në Selanik të Greqisë të enjten nga bashkëatdhetari i tij 45-vjeçar.
Sipas mediave greke, ai quhet Shpëtim Bajrami. Ky i fundit u qëllua me armë pranë një pike karburanti nga një tjetër shqiptar 45-vjeçar, i cili u vetëdorëzua sot në polici.
Autori e qëlloi viktimën nga brenda makinës së tij, teksa Shpëtim Bajrami e godiste me një zinxhir nga dritarja e mjetit pas një sherri mes tyre.
Të dy kishin njohje me njëri-tjetrin dhe ishin konfliktuar në një lokal përpara se të ndodhte vrasja.
Autori deklaroi sot në polici se nuk kishte motiv për të vrarë 50-vjeçarin, por sipas tij ishte i ndjerë disa herë i kërcënuar prej viktimës e për këtë arsye kishte blerë pistoletën.
Dyshohet se ata ishin konfliktuar për çështje ekonomike.
/tvklan.al
