Është zhvilluar debat i nxehtë mes përfaqësuesëve të partive politike shqiptare në emisionin Klan Debat me gazetaren Xhumadije Ibrahimi.
Vjollca Berisha nga ASH duke mbrojtur qëndrimet e partisë së saj për t’iu bashkuar shumicës qeveritare të kryesuar nga LSDM është kundërshtuar nga Zeqirija Ibrahimi i Alternativës dhe Besa Kadriu nga Lëvizja Besa.
Berisha ka mbrojtur tezën se kjo qeveri është pro-evropiane dhe rënia e saj në këto momente do të ishte e rrezikshme për vendin, pasi do t’i jepte mundëlsi VMRO-së të krijojë qeveri të re, sipas saj, pro-ruse.
Ndërkaq Ibrahimi nga Alternativa e ka kundërshtuar Berishën, duke ia kujtuar se para pak kohësh ASH-ja ishte në koalicion me VMRO-në në zgjedhjet lokale dhe menjlherë pas saj, sipas Ibrahimit, kjo parti është kujtuar se VMRO-ja është pro-ruse.
Edhe Besa Kadriu nga Lëvizja Besa ka kundërshtuar qëndrimet e Vjollca Berishës. Sipas Kadriut, nuk ka garanca se LSDM nuk është pro-ruse dhe këtë sipas saj, kjo parti e ka dëshmuar në të kaluarën me qëndrimet kundër shqiptarëve./KlanMacedonia
