AKTIVISTËT E PSD-së AKSION NË KUVEND
Me mbishkrimin “Regjimi i Zajednicës” janë pritur deputetët e Lëvizjes Vetëvendosje e të cilëve aktivistët e PSD-së u kanë vënë edhe nga një “medalje” për themelimin e Zajednicës. E kryeministri Kurti përdori tjetër hyrje për ti ikur kësaj medalje ndërsa në foltore e priti fotografia e një Jokeri e lule nga deputetët e AAK-së.
E kryeministri Albin Kurti para deputëtëve ka thënë se drafti për Asociacionin që e ka pranuar nuk është Zajednicë.
Ka thënë se e kanë përkrahur planin e ri që e ka pranuar nga përfaqësuesit e 5 vendeve të QUINT-it por nuk ka shpalosur detaje.
Thotë se nuk e kupton pse presidenti i Serbisë, Aleksandar Vuçiq, ka qenë i gatshëm ta nënshkruaj Asociacionin me dy ish-kryeministra të Kosovës, e nuk po është i gatshëm ta nënshkruajë me të.
Opozita ka kritikuar për mostransparencë kryeministrin ndërsa ka thënë se po i pranon ato që dikur i kishte kundërshtuar fuqishëm.
