NUK MARRIN PJESË AS ESTONIA, LETONIA DHE LITUANIA
Ministri i Jashtëm i Ukrainës, Dmitri Kuleba, nuk do të jetë i pranishëm në Samitin e OSBE-së në Shkup.
Rusia shkatëron OSBE-në, kurse ardhja e delegacionit rus do ta përkeqësojë krizën në këtë organizatë – ishte mesazhi i Kievit zyrtar.
“Moska keqpërdor rregullin e konsensusit, shërbehet me kërcënime dhe shantazhe të hapura, bllokoi kandidaturën e Estonisë, kurse Rusia në mënyrë të jashtëligjshme ka arrestuar tre ukrainas, përfaqësues të OSBE-së, që janë në burg më shumë se 500 ditë”, thonë nga MPJ e Ukrainës.
Ndërkohë, Ministrat e Jashtëm të Estonisë, Letonisë dhe Lituanisë përmes një deklarate të përbashkët kanë njoftuar se vendet e tyre nuk do të marrin pjesë në Samitin e OSBE-së në Shkup, për shkak të pjesëmarrjes së kolegut të tyre rus, Sergej Lavrov.
Sipas deklaratës së përbashkët, prania e Lavrovit në Shkup, rrezikon legjitimimin e agresionit rus në Ukrainë./KlanMacedonia
