Kryeministri palestinez, Mohammad Shtayyeh u ka bërë thirrje vendeve që të sanksionojnë Izraelin për bombardimin e Gazës.
Duke folur në Forumin e Dohas në Katar – krahas të tjerëve të cituar në mbulimin tonë të fundit – Shtayyeh tha: “Izraeli nuk duhet të lejohet të vazhdojë të shkelë ligjin ndërkombëtar humanitar”.
“Shqetësimi ynë kryesor nuk është e nesërmja”, tha ai, në komentet e cituara nga Al-Jazeera. “Është sot. Ne duam ndalimin e mizorive dhe gjenocidit që po ndodhin sot”, raporton BBC, transmeton Klankosova.tv.
Shtayyeh gjithashtu i kërkoi OKB-së “të thotë se ky okupim që filloi 75 vjet më parë duhet të marrë fund”.
Shtayyeh përfaqëson Autoritetin Palestinez (PA) – i cili është i ndarë nga qeveria e Hamasit që vepron në Gaza. AP-ja qeveris pjesë të Bregut Perëndimor që nuk janë nën kontrollin e plotë të Izraelit.
