India po përballet me ngjarje katastrofike të motit, ndërsa një kombinim brutal i valëve të nxehtësisë, rrëshqitjeve të dheut dhe përmbytjeve shkaktojnë kaos në të gjithë kombin. Numri i viktimave ka arritur në 11 këtë javë në mes të këtyre kushteve ekstreme të motit, sipas autoriteteve lokale.
Kryeqyteti New Delhi përjetoi natën më të nxehtë në gjashtë vjet, me spitale që raportuan të paktën pesë vdekje për shkak të goditjes nga nxehtësia, sipas raporteve nga Times of India. Në shtetin verilindor të Assam, reshjet e vazhdueshme kanë shkaktuar përmbytje dhe rrëshqitje fatale të dheut, duke marrur jetën e të paktën gjashtë personave dje.
Tragjedia goditi një familje kur një nënë dhe tre vajzat e saj u varrosën tragjikisht të gjalla në njërën prej këtyre rrëshqitjeve të dheut, raportoi Siu Das, një zyrtar shtetëror i menaxhimit të fatkeqësive. Gjithashtu, një fëmijë tre vjeçar ishte ndër viktimat.
Kjo verë ka parë temperatura jashtëzakonisht të larta në të gjithë Azinë. Shkencëtarët i atribuojnë këto modele ekstreme të motit ndryshimeve klimatike të shkaktuara nga njeriu dhe paralajmërojnë për kushte që do të përkeqsohen. Reuters raporton se temperaturat u rritën mbi 50 gradë Celsius në Delhi dhe shtetin fqinj shkretinor të Rajasthan. Rajonet veriperendimore dhe lindore të Indisë kanë përjetuar dyfishin e numrit të zakonshme të ditëve të nxehta vetem kete sezon.
Nga Assam, mbi 160,000 individ janē prekur nga përmbytjet, me nivele uji që kanë arritur lartësi alarmante nē Kopila, një deë kryesore e lumit Brahmaputra. Që nga fundi i majit, më shumë se 30 persona në Assam kanë humbur jetën si pasojë e fatkeqësive të shkaktuara nga përmbytjet dhe rrëshqitjet e dheut.
