Kryeministri Dimitar Kovaçevski, në konferencën e sotme për shtyp në Qeveri, theksoi se as shteti, as qytetarët, as Qeveria nuk janë në rrugë pa dalje, e vetmja që është në rrugë pa dalje është opozita, sepse Qeveria ka një plan shumë të qartë për përballimin me krizën energjetike.
“Ju e dini që në fillim të kësaj krize energjetike ne fillimisht e ngarkuam EMV-në që të rriste prodhimin me 20% nga viti i kaluar, EMV-ja e bëri atë dhe prodhimi i EMV-së u rrit për 25% dhe jo vetëm kaq, por me disa për qind mbi këtë dhe nëse shikoni numrat që publikohen rregullisht në ueb faqe dhe të EMV-së, publikohen edhe nga ana ime, publikohen edhe përmes njoftimeve të Qeverisë dhe EMV-së, pastaj vëreni se në tregun e rregulluar, të gjithë konsumatorët e vegjël dhe të gjitha amvisëritë plotësojnë 100 për qind nevojat e tyre për energji elektrike nga EMV-ja.
Në të njëjtën kohë, edhe pse EMV-ja punon me teknologji shumë të vjetër, me REK Bitola, Oslomej, TEC Negotino, që janë realisht të kohës së Jugosllavisë, në rast të ndërprerjes së njërit prej atyre objekteve, njërit prej blloqeve apo njërit prej termocentraleve, nëse është importuar edhe energji elektrike për të përmbushur planin e prodhimit. Deri më tani, gjatë muajve të fundit, nuk ka pasur import të energjisë elektrike për tregun e rregulluar. Kjo do të thotë se atë që ka vendosur si plan Qeveria po e realizon”, tha Kryeministri Kovaçevski dhe shtoi se deri më tani nuk kemi pasur asnjë ditë pa rrymë në vend, edhe pse ka pasur vende në rajon që kanë pasur 6 orë të kufizimeve gjatë ditës.
Në pjesën e energjisë termike, Kryeministri Kovaçevski nënvizoi, ashtu si sezonin e kaluar të ngrohjes, duke pasur parasysh se opozita në nivel shtetëror, që është pushteti në nivel lokal dhe në qytetin e Shkupit, refuzoi të menaxhojë ngrohjen e qytetarëve të qytetit të Shkupit, të njëjtën gjë e bëri edhe Qeveria.
“Siç thamë që do të ishim të parët në rajon që do të nisnim sezonin e ngrohjes, ia dolëm. E shihni se radiatorët në qytetin e Shkupit janë të ngrohtë me çmimin e energjisë termike që subvencionohet edhe nga shteti. Sa i përket kredisë prej 100 milionë eurosh, ajo kredi është siguruar në kushtet më të mira të mundshme që mund të gjenden aktualisht në tregjet financiare. Për ne, në bazë të bashkëpunimit të shkëlqyer që kemi me Bankën Evropiane, por edhe me bankat e tjera, u sigurua një kredi vetëm në nivelin e interesit LIBOR dhe ajo kredi u bllokua në Parlament nga opozita. Kam informuar edhe në mbledhjen e liderëve dhe disa ditë më parë dhe në mbledhjen e Qeverisë, ministri i Financave ka informuar se për shkak të sjelljes së papërgjegjshme të opozitës, ato mjete financiare, që kur ishin në llogarinë bankare, tashmë janë destinuar për qëllime të tjera, pra vendit tonë dhe i është mohuar nga opozita të përdorë mjete jashtëzakonisht të favorshme financiare”, tha Kovaçevski dhe shtoi se arsyeja e dhënë nga opozita është absolutisht sepse deklarojnë se në përputhje me strategjinë nacionale të energjisë që është në fuqi, objektet për prodhimin e energjisë elektrike nga linjiti dhe qymyri duhet të mbyllen me radhë, pasi të gjitha vendet evropiane kanë strategji kombëtare energjetike.
Kryeministri Kovaçevski tha se është pjesë e marrëveshjes së gjelbër dhe strategjisë së BE-së, por ato strategji kombëtare janë bërë në kohën kur në Ukrainë nuk ka pasur luftë dhe kur nuk ka pasur krizë energjetike dhe ekonomike.
“Prandaj, në një shkresë të ministrit të Ekonomisë, e cila thuhet edhe në dokumentet e dorëzuara në Kuvend, thuhet qartë se REK Manastir dhe Oslomej dhe TEC Negotinë do të jenë pjesë e një Strategjie Nacionale të rishikuar që Qeveria do ta fillojë menjëherë duke u përgatitur së bashku me ekspertë. Njësoj si në të gjitha vendet e Evropës do të zgjatet jeta e punës dhe shfrytëzimi i këtyre objekteve”, tha Kovaçevski.
