“LSDM është partia më aktive në vend dhe aktualisht janë duke u bërë përgatitje nga pushteti partiak dhe nga selia qendrore nga të gjitha aspektet e fushatës”, tha kryetari i LSDM-së, Kovaçevski në intervistën për MIA-a.
Kovaçevski duke iu referuar aktiviteteve të mëparshme që LSDM-ja ka pasur në terren në periudhën e kaluar, duke filluar nga dhjetori i vitit 2022 kur me fushatën “Të fortë dhe të vendosur”, qytetarët në terren diskutuan se çfarë po ndërmerr LSDM-ja dhe Qeveria e udhëhequr nga LSDM-ja si masa ekonomike dhe çfarë po ndërmerret në drejtim të sigurimit të ardhmërisë evropiane të shtetit me fillimin e negociatave me BE-në.
Kryetari Kovaçevski foli edhe për fushatat dhe takimet e drejtpërdrejta me qytetarët, ku masat konkrete kundër krizës që Qeveria e udhëhequr nga LSDM-ja dhe Kovaçevski si kryetar i atëhershëm i Qeverisë, i ndërmori gjatë muajve të krizës të shkaktuar nga lufta në Ukrainë. Ai theksoi gjithashtu diskutimet që janë organizuar në bashkëpunim me sektorin joqeveritar dhe publikun ekspert, duke prezantuar rezultatet e punës në disa fusha të ndryshme, veçanërisht në fushën e drejtësisë sociale dhe ekonomisë, por edhe përgatitjet për programi i ri për zgjedhjet e vitit 2024.
“Gjatë muajve të kaluar, komisionet, 18 komisionet e LSDM-së, janë plotësuar me rreth 200 ekspertë, të cilët jo të gjithë janë partiakë, por që ndajnë të njëjtat vlera me ne, që po punojmë në programin e ri zgjedhor, për zgjedhjet në 2024 deri në 2028. Është një program që do të përmbajë masa të plota siç ka pasur në vitin 2020 dhe një program që do të kujdeset për mirëqenien ekonomike të qytetarëve, për avancimin e proceseve sociale si dhe për vazhdimin dhe përfundimin e procesit të integrimit europian. ”, tha Kovaçevski
