MOLLIQAJ: DRAFTI I ASOCIACIONIT ZHBËN 17 SHKURTIN
Flamujt e Kosovës të vendosur në objektin para qeverisë janë zëvendësuar me një flamur tjetër me dy yje dhe një pjesë e territorit me ngjyrë të bardhë e që simbolizon Asociacionin e komunave me shumicë serbe.
Dardan Molliqaj nga PSD ka thënë se drafti i Asociacionit i pranuar nga kryeministri Albin Kurti dhe presidenti serb, Aleksandar Vuçiq në thelb e zhbën 17 shkurtin.
E zhbën Republikën si koncept, e zhdukë edhe simbolikën e yjeve. Nga sot edhe flamuri i Kosovës nuk mund të jetë i njëjti. Nga sot flamuri i Kosovës i ka vetëm dy yje. Kemi themeluar një konfederatë të brendshme mes shqiptarëve dhe serbëve, pa pajtimin qytetar.
Ka paralajmëruar përshkallëzim të aksioneve të aktivistëve të PSD-së.
E gjatë largimit nga protesta ata u konfrontuan me policinë pasi refuzuan tua japin flamujt të cilët i hoqën nga objekti i qeverisë.
5-shja euroamerikane më 21 tetor i ka dorëzuar kryeministrit Albin Kurit planin për normalizim të marrëdhënieve ku përfshihet edhe draftstatuti për themelimin e Asociacionit të Komunave me Shumicë Serbe.
