DËSHTON TË MIRATOHET REZOLUTA NË MBËSHTETJE TË POLICISË SË KOSOVËS
Në mungesë kuorumi ka dështuar të miratohet rezoluta në përkrahje të Policisë së Kosovës. Mazhoranca nuk morri pjesë në seancën e jashtëzakonshme për miratimin e kësaj rezolute të propozuar nga PDK-ja.
E harruat Policinë ishin mbishkrimet e vendosura në secilën ulëse të Kuvendit të Kosovës në nisje të seancës së jashtëzakonshme me kërkësë të Partisë Demokratike të Kosovës për miratimin e një Rezolute për mbështetjen financiare të Policisë së Kosovës.
Por deputetët e mazhorancës bojkotuan seancën.
U konsiderua e papranueshme dhe ikje nga përgjegjësia, mospjesëmarrja e mazhorancës në seancë.
Madje në një moment edhe vet kreu i parlamentit që vjen nga Vetëvendosje u largua nga seanca.
E deputeti i VV-së Enver Dugolli, në një konferencë për emdia ka akuzuar opozitën se pikërisht ata kishin dhënë urdhër që të ndalohet aksioni i Policisë së Kosovës për kapjen e vrasësve të policit Enver Zymberi i vrarë në vitin 2011 në veri.
“Atëherë kishim një hero, por kishim një urdhër që i ndaloj policin që t’i kapin dhe të dimë se kush ishin ata që e vranë Enver Zymberin. Kishte një ligj për amnisti këto janë fakte dhe krahasimi se kush pi rri afër Policës dhe kush po i harron. Sot e asaj dite vrasësit e Zymebrit nuk dihet se kush janë në momenti që Policia u dashtë me shkuar me i kap edhe janë kërcënuar kthehuni ose nuk do të jeni më polic të Kosovës. Me emra nuk mund të i’u jap, por mund t’i gjeni”
Nëse rezoluta si e tillë do të miratohej do të obligonte qeverinnë që brenda afatit prej 15 ditësh ë bëjë ndarjen e mjeteve të nevojshme financiare për pagesën e shtesës së rrezikshmërise per Policinë e Kosovës si dhe të niste hartimin e projektligjit për Pensionim të Parakohshëm te zyrtarëve policorë.
