Emigrantë nga shumë vende të Evropës këtë pjesë të verës zgjedhin ta kalojnë në Kosovë, por ata që vijnë përmes rrugëve tokësore shpesh ballafaqohen me kolona të gjata.
Së fundmi pritjet për të hyrë në Kosovë ishin deri në gjashtë orë, por njëjtë nuk janë në këto orë të hershme të ditës së shtune.
Sipas Qendrës Kombëtare për Menaxhim Kufitar, nga 5 deri në 10 minuta janë pritjet si për të hyrë ashtu edhe për të dalë nga territori i Kosovës.
Në pikat më të ngarkuara kufitare te Dheu i Bardhë e sikurse në Merdarë pritjet janë 3-5 minuta.
Ndryshe, gjatë ditës së djeshme mërgimtarët kanë pritur deri në gjashtë orë për të hyrë. /Klan Kosova.
