Qeveria e Kosovës ka mbajtur një mbledhje të rregullt, ku janë marrë disa vendime. Një ndër vendimet e rëndësishme është aprovimi i Raportit mbi Zbatimin e Programit të Borxhit Shtetëror.
Njoftimi i lëshuar nga Zyra e Kryeministrit tregon se Kosova ka një prej niveleve më të ulëta të borxhit shtetëror në kontinentin e Evropës. Më 31 dhjetor 2023, borxhi përbënte 17.52% të Bruto Produktit Vendor (BPV). Ky raport vërteton përpjekjet e vendit për të menaxhuar me kujdes financat publike.
