Sot gjatë ditës nga ana e policisë u raportua se në objektin e Komunës së Gostivarit me datë 29.10.2024 ka ndodhur një rrahje.
Nga Komuna e Gostivarit e kanë demantuar lajmin duke thënë se ngjarja ka ndodhur në objektin ngjitur me Komunën e Gostivarit ku janë të vendosura ministritë rajonale dhe drejtoritë dhe se rasti nuk ka lidhje me komunën.
Demant
“Komuna e Gostivarit demanton lajmin e portalit “Pa Censurë” dhe portaleve tjera, se rasti i djeshëm që është raportuar se ka ndodhur në Komunën e Gostivarit, i njëjti ka ndodhur në objektin ngjitur me Komunën e Gostivarit, ku janë të vendosura ministritë rajonale dhe drejtoritë. Rasti në fjalë nuk ka lidhje me Komunën e Gostivarit dhe lusim mediat që të raportojnë objektivisht. Po ashtu, i njëjti lajm të demantohet nga portal “Pa Censurë” dhe mediat tjera të cilat kanë raportuar” – thuhet në demantin e Komunës.
Në njoftimin e SPB-Tetovë thuhet: Me datë 29.10.2024 në ora 14:00 në DPB Gostivar, R.S (32) nga Gostivari ka raportuar se rreth orës 10:00, derisa ishte në vendin e punës në Komunën e Gostivarit, ishte duke pastruar bashkë me kolegen e saj H.H. (39) nga Gostivari, nga zyra e tij ka dalë personi E.E. dhe i ka sulmuar fizikisht, pas çka është penguar nga kolegu i tij që të vazhdojë sulmin. Po merren masa për zbardhjen e rastit.
